May nag positibo sa pag gamit sang iligal nga droga sa mga empleyado sang gobyerno probinsyal nga gin paidalom sa drug test sa nag ligad pa gid nga semana.
Ginsiling ni Negros Occidental Governor Eugenio Jose Lacson nga ginahulat pa nila sa karon ang resulta sang confirmatory test nga ginpatigayon sang Department of Health.
Paathag ni Lacson, kun sa confirmatory test maga positibo sa gihapon ang resulta ang mangin aksyon sang gobyerno probinsya maga depende sa employment status sang natungdan.
Kun casual ukon job order ukon contract of service suno kay Lacson ini sila ang makakas sa serbisyo. Pero kun regular nga empleyado ang mag positibo sa idalom sang Civil Service Commission ini sila ang gina hatagan pa sang tyansa kaangay sang pag paidalom sa drug rehabilitation.
1,962 ka mga empleyado ang gin paidalom sa mandatory drug testing sadto. Ini sila mga na assign sa Teresita L Jalandoni Provincial Hospital, Cadiz District Hospital, Don Salvador Benedicto Hospital, Gov Valeriano Gatuslao Memorial District Hospital, Hinoba-an District Hospital kag EEDD-Mambukal.
[sibwp_form id=1]