Bacolod Traffic and Transport Management Department ukon BTTMD nagpatuman sang rerouting para sa MassKara Traffic.
Ginpalayag ni Atty. Reuben Mikhail Sabig, hepe sang BTTMD, ang rerouting scheme nagalakip sang pagsira sang Bacolod Public Plaza halin Setyembre 28 tubtob Oktubre 20 para sa MassKara Festival.
Suno kay Sabig, ang pagsira naga sugod alas-3 sang hapon tubtob las-3 sang kaagahon kon weekend kag las-2 sang kaagahon kon weekdays.
Para sa SM City kag BREDCO bound vehicles naman, may gin-assign nga entry kag exit routes gikan sa North, South, kag East. May yara man sang special traffic scheme nga naga-apekto sa private vehicles kag public vehicles sa San Juan, Burgos, Luzuriaga, Rizal kag Gatuslao.
May rerouting man para sa pila ka jeepney routes lakip ang Alijis, Bata, Banago, Homesite, Fortune Towne, Mandalagan, Sum-ag, Tangub kag iban pa.
Panawagan ni Sabig ang kooperasyon sang tanan nga motorista agud masiguro ang dalayon nga trapiko sa selebrasyon sang 46th MassKara Festival.