Negros Occidental naka record sang anum ka rabies cases sa mga ido humalin Enero tubtob Pebrero, isa naman ang suspected human death bangud sang rabies.
Sa datus sang Provincial Veterinary Office, ang siudad sang San Carlos ang may na-record nga tatlo sa rabies cases.
Duha ka ido ang nag positibo sa rabies sang bulan sang Enero kag ini ang gikan sa Himamaylan kag San Carlos City.
Sang Pebrero naman may tatlo ka rabies cases nga na record kag duha diri ang gikan sa San Carlos City, kag isa naman sa La Carlota City.
Isa naman ang na record gikan sa Barangay Vista Alegre sa Bacolod City sang sini nga Pebrero.
Sa kasubong nga tion sang 2022, duha ka rabies cases ang na-record.
Samtang, may isa ka persona nga napatay sa Isabela nga suspected rabies case.
Padayon naman ang kampanya sang Provincial Veterinary Office sa pag pabakuna sa mga ido kag iban pa nga hinuptanan.
May 16,352 ka mga ido ang nabakunahan sa karon.