May napulo na sa karon ang nag file sang ila nga Statement of Contributions and Expenditure ukon SOCE sa talatapan sang Provincial COMELEC.
Sa June 11 na ang deadline sang filing sang SOCE.
Suno kay Provincial Elections Supevisor, Ian Lee Ananoria, isa ka local provincial party, isa ka wala nagdaug nga kandidato, kag walo ka mga nagdalaog nga kandidato sa karon ang naka file sang SOCE sa iya nga talatapan.
Nagdaog man ukon na pierde ang dapat mag file sang SOCE suno kay Ananoria.
May nagakaigo nga multa ang mapaslawan.
Sa mga nagdaog naman kinahanglan ang certification nga sila ang naka file sang SOCE sa ila nga pagpungko sa nadag-an nga pwesto.
Sarang man mag pangatubang sang perpetual disqualification sa pag papili kun maka duha na ka beses ang isa ka kandidato nga wala nag-file sang SOCE.
Kun sa diin nga talatapan sang COMELEC nag file sang certificate of candidacy ukon COC didto man ang filing sang SOCE.
“Ang non-filing could result in a penalty, kag kun ka duha na, usually gina perpetually disqualify na namon. Aside sa penalty perpetually disqualified to run from public office, so those who are winning candidates, required na siya inorder to assume office ang certification nga nag-file kamo SOCE from me”, suno kay Ananoria.