Digicast Negros

Masterlist sang magabaton sang cash assistance gikan sa NHA wala naga sinanto gani indi pa ma release

Masterlist sa mga magabaton sang cash assistance gikan sa National Housing Authority ang gina pa reconcile anay bangud wala nagasanto sa listahan nga damlag pa na submit.

May walo ka mga banwa kag siudad nga magabaton sang bulig gikan sa nha kag ini ang naga lakip sa Isabela, Pontevedra, Sipalay City, Ilog, Kabankalan City, Cadiz City, Victorias City kag Cauayan.

Suno kay provincial administrator Rayfrando diaz, kinahanglan anay nga isanto ang masterlist sa damlag pa listahan nga gin submit sang mga LGU sa NHA kay indi man pwede nga mag release sa damlag pa wala nalakip sa una nga gin submit nga listahan.

94,665,000 pesos ang pondo nga iga release sang NHA para sa 18,933 ka mga benepisyaro nga apektado sang Bagyo Odette.

Samtang, bwas nga adlaw natalana naman ang probinsya mag panagtag sang bulig sa Isabela kasubong sang GI sheets, mga banana seedlings kag iban pa para sa mga Odette victims.

Exit mobile version
Skip to toolbar