Mass vaccination sa 22 ka mga barangay kag malls sa Bacolod City ang magapadayon sini nga semana.
Suno sa kay Bacolod Emergency Operations Center executive director Em Ang, ang iban nga mga barangay nga wala nakapamakuna sang Biernes ang nagsugod na subong nga adlaw.
Base sa listahan sang Bacolod EOC, may iban naman nga mga barangay nga buas kag sa iban pa nga mga inadlaw sini nga semana magasugod sang ila tagsa ka mass vaccination depende sa availability sang staff kag personnel sang barangay kag City Health Office.
May pila naman ka mga gin cluster nga mga gagmay nga barangay sa isa ka vaccination center.
Ginahatagan sang prayoridad ang mga senior citizens kag may co-morbidities nga damlag pa nakaparehistro na pinaagi sa barangay kag online.
Padayon man ang mass vaccination sa SM City mall kag Ayala Capitol Central.
Natalana man ang Bacolod EOC nga magbutang sang dugang nga vaccination center sa Robinsons Place Bacolod.
Padayon ang online registration sang siudad para sa tanan nga luyag magpabakuna.