Vaccination program sang Bacolod mas ginpabaskog paagi sa dungan nga vaccination drive sa 34 ka mga vaccination areas sa siudad.
Mas nangin masako ang katapo sang Emergency Operation Center para sa simultaneous 2-day grand vaccination drive sa 34 na tanan ka mga vaccination sites sa Bacolod.
Magluwas sa bag-o ginbuksan nga vaccination center sa 888 Chinatown Square Mall, dululungan man nga ginpatigayon ang vaccination program sa mga kabarangayan kag ang ginapatigayon nga mobile vaccination drive, drive thru vaccination kag pati ang 24 hour vaccination program sa tuyo man nga mapadasig ang pagpalab-ot sang bakuna para mga eligible population nga target mabakunahan sang siudad.
Para sa pamunuan sang EOC dako ang benepisyo sang bakuna agud nga mapangapinan ang pumuluyo kontra sa makamamatay kag makalalaton nga variant sang Covid-19.
Sa Setyembre uno ang gintalana nga ika duha nga adlaw para sa grand vaccination drive sang siudad.
As of Setyember 1-24, naglab-ot na sa 112 ang Covid-19 related deaths sa siudad, kadam-an sa mga napatay ang wala mabakunahan ukon indi fully-vaccinated.