Site icon Digicast Negros

Masobra sa P2M nga balor sang ukay-ukay ginkumpiskar sang CIDG

Gindakop sang mga pulis ang lalaki nga nagabaligya sang gin-alegar undocumented nga “ukay-ukay” sa Barangay Cabug, Bacolod City sang Lunes.

Suno sa report sang Criminal Investigation and Detection Group, ang gindakop nga si alyas “Archie”, 39-anyos nga taga Bohol, ang wala sang may napakita nga importation documents, customs declaration, import permit ukon proof of payment sang duties and taxes.

Ginkumpiskar sang otoridad ang 60 ka bales sang “ukay-ukay” nga nagabalor masobra P2.4 Million kag gin-impound ang truck nga ginakargahan sang mga imported nga used garments.

Ginsiling sang CIDG nga ang pag-import sang used clothing kag mga rags sa Pilipinas, magluwas sa mga aprobado nga items para sa relief purposes, ang isa ka pagsupak sang Republic Act 4653 nga nagapangapin sa ikaayong lawas sang publiko kag nagadumili sa pagpasulod sa pungsod sang mga potentially unsanitary ukon unhygienic nga used textiles.

[sibwp_form id=1]
Exit mobile version