Gindakop sang katapo sang City Drug Enforcement Unit ang 21-anyos nga lalaki matapos makuhaan sang P2,040,000 nga balor sang suspected shabu sa Purok Nami-Nami, Barangay Banago sa Bacolod City sang Domingo.
Pulo ka pakete sang ginasuspetsuhan shabu kag duha ka bugkos sang plastic nga may unod nga iligal nga droga ang narekober kay alyas “Ren”.
Samtang, isa ka solterito ang nakuhaan sang masobra sa P5M nga balor sang suspected shabu sa ginpatigayon nga buy-bust sa Hacienda Busay, Barangay Punta Mesa, banwa sang Manapla, Negros Occidental sang Sabado.
Ginkilala ang gindakop kay alyas “Jay Em”, 19-anyos, residente sang Brgy. 1B sa Manapla. Nakuha sa iya ang 25 ka pakete sang suspected shabu; tatlo ka knotted plastic bag sang ginasuspetsuhan shabu.
Suno sa Regional Police Drug Enforcement Unit sang Negros Island Region, makabig si alyas “Jay Em” nga isa ka supplier sang droga sa Manapla kag kaiping nga mga lugar bangud sa dako nga bulto sang shabu nga iya gina-deliver.
Samtang, nakarekober ang kapulisan sang masobra sa P3M nga balor sang suspected shabu halin sa isa ka ginakabig high value individual sa Purok 5, Barangay Liptong sa Valencia, Negros Oriental.
Nadakop ang subject nga si alyas “Gerick” sang Zamboanga City.
[sibwp_form id=1]