15 diyas pa lang nga naka-gwa sa prisohan ang 52 anyos nga babaye sang siya ang liwat nga nadakpan sa ginpatigayon nga buy-bust operation sa Purok Star Apple 2, Barangay 27 sa Bacolod City sang Lunes, Hunyo 15.
Nakuha sa babaye nga si alyas “Sapsap” ang 210 grams sang suspected shabu nga nagabalor P1,428,000.
Nakabaton sang report ang City Drug Enforcement Unit nga nagapakigbahin sa illegal drug activities ang subject sa Brgy. 27 kag mga kaiping nga mga barangay.
Base sa monitoring, nagaserbe bilang “keeper” sang iligal nga droga si alyas “Sapsap” kag gina-distribute niya ang kontrabando sa iya mga ginasaligan nga downline customers.
Suno sa police report, February 2026 nadakpan si “Sapsap” bangud sa iligal nga droga kag nakagwa sa prisohan sini lang nga June 1, 2026.*
[sibwp_form id=1]