9,136 tanan ka estudyante sang Negros Occidental High School ang tigayon na nga nakabaton sang libre nga sling bag kag school supplies gikan sa Bacolod City LGU.
Lunes sang aga, ginpangunahan ni Bacolod City Mayor Greg Gasataya ang turn-over ceremony. Masobra sa 90 porsyento sang kabug-osan nga populasyon sang eskwelahan ang mga taga Bacolod City sandig sa record sang siudad.
Ginsiling ni Gasataya nga bisan indi na sakop sang Schools Division of Bacolod City ang NOHS, ginpakamaayo sa gihapon sang siudad nga malakip ang mga estudyante nga taga Bacolod City.
Lakip sa mga nabaton sang mga estudyante amo ang tatlo ka intermediate pad kag isa ka dosena nga ballpens.
Natapos na ang pagpanagtag sang siudad sang tanan nga mga school supplies sa tanan nga mga eskwelahan sa Bacolod City.
Nagpasalig naman si Gasataya nga kada tuig na nga mahatag ang siudad sang libre sang school supplies sa NOHS kag tinguhaan nga mahatag ini antes pa magsugod ang klase sa masunod nga tuig.
[sibwp_form id=1]