Indi magnubo sa 64,000 ka dose sang bakuna para sa adult kag masobra naman sa 20,000 ka dose para sa pediatric vaccination ang nag – abot Miyerkules sang aga.
Ini ang gintalana para sa ikaapat nga national vaccination days nga maga sugod sa bwas nga adlaw tubtob sa Marso 12.
Masobra sa 60,840 ka dose sang Pfizer para sa adult kag 3,760 naman ka dose sang Sinovac ang nag-abot Miyerkules sang aga, kag 20,300 naman ka dose sang Pfizer para sa pediatric vaccination.
Sang kahapon may nag-abot man Sinovac, Moderna kag Janssen vaccines.
Priority ang mga senior citizen labi na nga suno kay Provincial Administrator Rayfrando Diaz, manubo pa sa target nga mabakunahan ang nalambot.
Damlag pa, mas gin palapit na ang vaccination program sa mga pumuluyo sang gindala na ini mismo sa mga barangay. Ang mobility, ang kalayuon isa sa mga ginalantaw rason kun ngaa manubo ang vaccination rate sa mga senior citizen suno kay Diaz.
Nagabulig naman ang PHO sa mga LGU.
Ang Hospital Operations Department maga padayon naman sang pag bakuna sa mga kabataan.