Sa Cadiz City ginpatigayon ang pag panagtag sang mga land title sa 2,902 ka mga benepisyaryo nga gin pamunuan sang Department of Agrarian Reform – Negros Island Region.
Wala labot sini gin patigayon man ang distribution sang Certificates of Condonation with Release of Mortgage ukon CoCRoM.
May 9,707 ka mga CoCRoM ang ginpanagtag Hwebes sang aga sa pagtililipon sa Cadiz Arena.
Ini ang naga benepisyo sang 6,125 ka mga mangunguma nga may 6,413.67 ka ekatriya sang agricultural lands sa nag kalain-lain nga bahin sang Negros Occidental.
Sa pag-release sang CoCRoM tigayon na condone ang 816,688,884 pesos nga kautangan sang mga mangunguma.
Ang CoCRoM ang naga patuman sang mandato sang RA 11953 ukon ang New Agrarian Emancipation Act nga naga condone sang tanan nga mga loan lakip na interest, penalties kag surcharge sang mga Agrarian Reform Beneficiaries gikan sa duta nga na award sa ila sa idalom sang Presidential Decree 27, RA 6657 kag RA 8700.
Suno kay Foreign Assisted and Special Projects Office sang DAR, USec Jesry Palmares gina palab-ot sang presidente sa mga benepisyaryo nga ang gina hatag nga CoCRoM kasubong man ang mga titulo handum niya para sa tanan indi lamang sa mga yadtong yara sa Negros Occidental.
Suno kay Palmares humalin pa sang pag pungko gid ni Presidente Ferdinand Marcos, Jr., luyag niya sa mga mangunguma nga wala na ini sila sang mga balayran sa mga bangko kag mahatag sa ila ang ila nga mga duta nga wala na sila sang palaligban pa nga mga obligasyon.
Samtang, 2,935.86 ka ektariya sang duta ang gin panagtag sa 2,902 ka mga ARBs.