Masobra sa 10,000 pesos ang ayuda nga mabaton sang mga apektado nga mangunguma sa Bacolod City matapos nga gindeklara sang Sanguniang Panlungsod nga under state of calamity na ang siudad bangud sa epekto sang Red-Striped Soft Scale Insect ukon RSSI.
Ginsiling ni Atty. Marty Go, Secretary to the Mayor nga may 1,853 ka mga sugarcane workers kag may 228 naman ka sugarcane farm owners ang apektado sa halit sang peste.
Sandig sa record sang siudad sa masobra 3,000 ka hektarya sang katubohan, yara sa 2,000 ka ektarya ang apektado sang RSSI.
Napulo ka Barangay ang apektado sang peste. Ini ang Alangilan, Bata, Cabug, Estefania,Granada, Felisa, Mandalagan, Mansilingan, Sum-ag, kag Vista Alegre.
Suno kay Bacolod City Mayor Greg Gasataya, iya ginduso sa SP ang pagdeklara sang state of calamity agud ma buligan ang mga mangunguma sa siudad.
Ang pondo para sa ayuda ang magagikan sa Department of Social Welfare and Development, suno kay Gasataya.
Iga-validate pa sang Sugar Regulatory Administration ang listahan sang mga benepesyaryo antes mahatag ang assistance.
[sibwp_form id=1]