Sa sulod sang isa ka semana humalin Setyembre 8 tubtob 14, nakadakup ang kapulisan sa Negros Island Region sang 156 ka mga persona nga wanted sa nagkalain-lain nga kaso.
Nalakip sa mga nadakpan amo ang 22 ka mga ginakabig nga “Most Wanted Persons.”
Sa kampanya batuk iligal nga droga, 90 ka mga drug personalities ang nagkaladakpan sa 66 ka mga operations sa Negros Occidental, Negros Oriental kag Siquijor.
May masobra P8.6 Million nga shabu ang nakumpiskar sa sulod sang isa ka semana.
Sa kampanya sa loose firearms, nakarekober ang mga kapulisan sa NIR sang pito ka pusil nga wala sang nagakaigo nga lisensya.
Samtang, 20 ka mga persona ang gin-aresto bangud sa pagpakigbahin sa illegal gambling.
[sibwp_form id=1]