Nagdangat na sa 1,902 ka mga baboy ang nagkalamatay sa 12 ka mga LGU sa Negros Occidental sa June 25 nga report sang Office of the Provincial Veterinarian.
Suno kay Dr Placeda Lemana, ang 1,902 ka mga baboy nga nag kalamatay 3.27 percent sang hog population sang mga apektado nga LGUs.
89 ka mga barangay ang nalakip nga apektado sa 12 ka mga LGU.
Klaro ni Lemana ang mga nagkalamatay nga baboy indi man tanan ma-relate sa African Swine Fever bangud wala man naka patigayon sang testing.
Ang mga nag kalamatay ginlubong na kag ang iban naman nag panic selling sa sitwasyon.
Sa 12 ka mga LGU ang San Enrique man lamang base sa pahayag ni Mayor Jilson Tubillara ang nag positive sa ASF.
Ang iban nga mga LGU nga may hog mortalities nag submit sang ila man nga blood samples.
“The signs and symptoms indi ma deny nga the same as that of ASF, hog cholera. Daku ang possibility galing wala na naton ma examine kay wala naman ang sapat. Naghatag na lang si Gov protocol to arrest sang spread sang deaths. May advisory sya”, suno kay Lemana.
[sibwp_form id=1]