Masobra 100 nga vendors nga wala makabayad renta sa Burgos Public Market sarang padal-an demand letter sang City Legal Office.
Nagpadulong sa opisina ni Councilor Celia Flor ang mga manugbaligya sa fish section sang Burgos Public Market kaina sang aga.
Ini agud ihinyo ang dugang nga anum ka bulan nga extension para mabayaran nila ang tig P16,000 nga tuigan nga renta sa ginadumala nga stall sa merkado.
Suno kay Councilor Celia Flor, pamuno sang Committee on Markets and Slaughterhouse, isa na ka tuig ang ginhatag sa ila para mabayaran ang ila utang.
Pero sa record sang City Treasurer’s Office wala sa ila ang nakabayad.
Suno kay City Legal Officer Atty. Romeo Carlos Ting, Jr., kun indi pa gid magbayad ang mga market vendors plano nila nga issuehan sang demand letter ang kutob sa wala makabayad sang renta.