Nagdangat sa P10.2 Million ang balor sang smuggled cigarettes nga na-intercept sang otoridad sa Sitio Batang, Barangay Talaban sa Himamaylan City sadtong Lunes sang kaagahon, Setyembre 28.
Isa ka persona nga ginkilala kay alyas “Omar” ang nadakpan, samtang nakapalagyo naman ang duha niya ka mga upod nga may mga aliases nga “Jun” kag “Jake”. Tanan sila ang gikan sa Jolo, Sulu.
Narekober sa ila ang nanari-sari nga brand sang sigarilyo.
Suno sa Regional Intelligence Division sang Police Regional Office-Negros Island Region, wala sang permits ang nasambit nga tocacco products kag wala man sang Graphic Health Warnings.
Natalana nga iga-turnover sa Bureau of Customs ang mga nakumpiskar nga sigarilyo, samtang si alyas “Omar” ang gindala sa Himamaylan City Police Station.*
[sibwp_form id=1]