Mayor Albee Benitez magasugilanon sa 51 ka mga illegal settler families upod sa SM nga sarang maapektuhan sang development project.
Sa Enero suguran na sang SM Prime Holdings Incorporated ang pag-develop sang Manokan Country.
Gani nabalaka ang pila ka mga illegal settler families nga nasakpan sang Barangay 12 nga sarang maapektuhan kun suguran na sang SM ang pag-demolish sang Manokan.
Suno kay Mayor Albee Benitez natalana pa siya nga magasugilanon sa barangay kag mga apektado nga pamilya upod sa pamunuan sang SM agud mapatpat ang plano kag masabat man ang kinahanglanon sang maapektuhan nga pamilya.
Suno sa alkalde may 51 ka mga pamilya ang posible maapektuhan kun suguran na ang proyekto.
Sa record sang City Legal Office may 17 man ka mga illegal structures sa kilid sang Manokan ang natalana issuehan sang notice to vacate.
Sila tanan ang plano nga tagaan sang relocation site sang siudad.