Nakahingaw nga magpa-consolidate ang ang may kapin sa 1,150 ka mga traditional jeepney units nga operators kag drivers antes sang ginhatag nga deadline for franchise consolidation sang Abril 30. Gani pagkatapos sang Mayo 15 pwede pa makabiyahe sa siudad ang amo nga mga traditional jeepney.
Ginsiling ni LTFRB OIC Atty. Salvador Altura Jr., maga-issue sila sang QR coded stickers sa mga traditional jeepney units nga nagpaidalom sa consolidation agud mahapos ini nga ma-identify sang law enforcement agency sa tion nga ipatuman ang dinakpanay batuk sa mga colorum nga public utility vehicles.
May masobra naman sa isa ka libo ka mga traditional jeepney operators kag drivers ang wala nagpaidalom sa franchise consolidation. Sila ang kabigon na nga colorum sang LTFRB pagkatapos sang Mayo 15. Ginpahayag ni Lilian Sembrano, pamuno sang Kabacod Negros Transports Coalition, magabyahe gihapon ang ila mga traditional jeepney nga wala nagpa-consolidate. Nagpadala na sila sang appeal sa kongreso kag senado agud matagaan atensyon ang ginakahangaw-an nila nga pagkadula sang ila palangabuhian tuga sang ginaplano nga jeepney phase-out.