May 1,013 ka dugang nga mga pulis ang gin-deploy sa Bacolod City para sa highlights na sang MassKara Festival.
447 diri gikan sa Negros Occidental Police Provincial Office kag 566 naman gikan sa isla sang Panay.
Ginsiling na damlag pa ni Bacolod City Police Office Director, Col. Noel Alino nga luyag nila nga mapasiguro ang kalinong.
Target man sang PNP ang zero fatality ukon wala sang may mapatay may kaangtanan sa pagsaulog sang kapistahan sang siudad.
Libo-libo nga mga turista ang gina paabot sa final week sang selebrasyon kag luyag sang PNP nga sa pihak sang pagdinagsa sang tawo mapatuman sa gihapon ang kalinong.
Ginapanawagan man ang publiko nga mangin mabinantayon kag mag kooperar sa otoridad. Ginahaylo ang publiko nga mag report gilayon sa police assistance desk kun may mamutikan nga mga makaduluda nga mga aktibidades.