Gintagaan sang kahigayunan sang katapo sang Local Market Committee ang lima sa mga market vendors nga makabalik sa pagpabaligya sa Central Market kun mabayaran nila ang kabilugan nga kapin P80,000 nga utang sa siudad.
Pero ginsiling ni City Legal Officer Atty. Romeo Carlos Ting, Jr., nga kutob sa mga market vendors nga indi makabayad sa ila delinquent accounts ang iga-blacklist kag indi na maka-participate sa pagpa raffle sang mga stalls sa mga merkado sang siudad.
Padayon man karon ang assessment kag validation sang katapo sang Local Market Committee (LMC) sa mga market vendors may nagapabilin pa nga utang kag kun bala ila pa ginagamit ang natugyan sa ila nga pwesto.
Natalana man nga i-release sang LMC ang mga ngalan sang vendors nga tinuig na nga wala nagabayad sang utang sa siudad.