Halin sa mga naga-tinulo nga atop kag barado nga drainage sang mga merkado, tagaan atensyon ni City Administrator Atty. Mark Mayo ang bahin sa mga utang nga wala mabayaran sang mga vendors pati na ang issue may angut sa multiple ownership kag indi mga lehitimo nga market vendors.
Gani natalana siya nga magasapol upod sa katapo sang Committee on Markets kag mga market vendors organization agud matagaan solusyon ang problema.
Ginatan-aw niya ang posible pag-review kag amend sang natukod nga market code.
Sa weekend suguran sang siudad ang paglimpyo sang tatlo ka mga major markets, nalakip diri ang Burgos, Libertad kag Central Market.
Gin-appoint man ni Mayo si Atty. Allyn Luv Dignadice agud pamunuan ang komitiba.
Si Dignadice amo man ang gintalana ni Mayor Greg Gasataya bilang Officer in-charge sang Bacolod Environment and Natural Resources Office para masolusyunan ang problema sa basura.