Ang Department of Agriculture – Negros Island Region ang nagpatuman sang market inspection sa Siquijor kag Negros Oriental angut sa P50 nga price ceiling sa imported premium rice.
Sa Negros Oriental, ginpangunahan ni Agricultural Program Coordinating Office head, Bernard Limbaga ang market visit kag compliance inspection sa nagkalain-lain nga mga merkado – pribado kag pampubliko angut sa pagpatuman sang Executive Order 118 nga naga mando sang P50 nga price ceiling sa kada kilo sang imported premium rice (5% broken).
Ang tikang kabahin sa pagpasiguro nga ang mga rice retailers ang naga sunod sa amo nga price cap kag para man mapangapinan ang interes sang mga konsumedor.
Upod sa ginpatigayon nga inspection ang tiglawas sang Department of Trade and Industry, National Food Authority, lokal nga panguluhan kag mga market administrator.
Sa probinsya sang Siquijor, ginapatuman man ang dululungan nga market inspection sa pag panguna ni APCO head Agnes Guanella Cafe upod sa mga nagkalain-lain nga ahensya.
Paagi sa amo nga tikang gina pakita sang DA NIR nga ila luyag Ipasiguro nga padayon ang pag pangapin sa mga konsumedor kag ang pag pabilin man sang nagakaigo nga presyo sa bugas kag subong man pagtib-ong sang food security sa bug-os nga rehiyon.
[sibwp_form id=1]