Mga produkto humalin sa utan, kararuton kag prutas ang nakasalida karon sa Capitol grounds bilang kabahin sang Market Expo and Trade Fair.
Magluwas sa mga pagkaon may yara man sang ma native nga bag, mga silhig bisan pa mga tanom ang sarang nga mabakal.
Ini ang gina baligya sang mga Integrated Social Forestry ukon ISF Farmers kag mga mangingisda.
Si Lourdes Pedoy nga katapo sang Victorias ISF Farmers Association ang isa sa mga nag pakigbahin.
Ang gina baligya nga taho kag bana chips ila nga produkto.
Kabahin na ini sang suporta sang gobyerno probinsyal sa ila kasubong sang paghatag sang livelihood training kabaylo sang ila nga pag amlig sa palibot kasubong sang pagnanom sang kahoy mismo sa duta sang gobyerno ukon gina kabig ISF sites kag pagpangapin sini.
Ang Provincial Environment Management Office ang naga manage sa mga ISF Sites. Gina buligan ang ini nga mga lugar paagi sa mga community development efforts kag bisan pa agricultural inputs.
Nag bukas kaina ang Market Expo ang Trade Fair kag tubtob ini sa Disyembre 9 nga naga tuyo mabuligan man ang mg People’s Organization kag ISF Farmers sa ila nga mga produkto.