Digicast Negros

Manunudlo patay sang mabungguan sang SUV ang iya motorsiklo

Patay ang manunudlo nga si Jojit Aujero matapos mabungguan sang Isuzu MUX ang iya ginadala nga motorsiklo kaina sang kaagahon sa gwa sanv Gardenville sa Barangay Tangub sa Bacolod City.

Suno kay Police Major Joery Puerto, pamuno sang Police Station 8, yara sa pareho nga lane ang MUX kag motorsiklo ugaling bangud sang madasig nga pag padalagan sang MUX, iya nabunguan ang panguluhi sang motor nga gin tunaan sang kamtayon sang nagadala sini nga si Aujero.

Wala pa suno kay Puerto ma istorya ang driver sang MUX kun ngaa wala niya malikawan ang motor bangud sa gin dala man sa ospital ang driver. Wala nasamaran ang driver suno kay Puerto pero gin ospital lang sang nerbyos dala sang natabo.

Padayon pa karon ang imbestigasyon sang PNP.

Exit mobile version
Skip to toolbar