Patay na sang masapwan Sabado sang kaagahon sang iya mga upod ang 49 anyos nga si Joemarie Gariando nga watchman sa katubohan sang iya tiyo sa Barangay Pilar banwa sang Hinigaran.
Sa imbestigasyon sang PNP, naga katulog lang ang biktima sa bangko sa iya man gina bantayan nga katubohan sang siya ang gintiro sang wala pa makilal-an nga mga suspek.
Nasapwan na lang suno sa pulis nga duguon na si gariando kag may igu sang bala sa ulo.
Gina hibalo pa sang PNP kun ano ang motibo sa pag patay kay Gariando.