Manubo sa karon ang turn-out sa Covid-19 vaccine utilization sang probinsya. Suno sa Provincial Health Office, ginatutukan nila sa karon ang advocacy lakip na ang pag-update sang report nga ginapadala sang mga banwa kag siudad.
As of May 24, 49,986 ka Astrazeneca kag Sinovac vaccine ang nag-abot sa probinsya. 36,165 sini ukon 72.35 percent ang na utilize ukon ang na dapat na.
Suno sa Provincial Health Office, kun i-base sa target, mahinay ukon manubo ang utilization sang bakuna.
Una dapat sa sulod sang anum ka adlaw humalin sang na-deliver ini, dapat ini ang na dapat na sa mga natungdan.
Suno kay Dr Jessica Fama, medical specialist 3 sang PHO, wala nalab-ot ang anum ka adlaw nga gin-set sang DOH.
Pero, gina tutukan nila ang pag pat-od sang datus nga na submit sang mga lgu, bangud may nasugata sila nga problema sa sistema sang reporting. Kag dugang pa gid diri ang problema man sa connectivity.
Suno kay Dr Ernell Tumimbang ang provincial health officer, gina tutukan man ang vaccine advocacy.
May mga banwa kag siudad nga indi maka idog sa ila nga priority list bangud padayon ang paghulat sa mga luyag magpabakuna sa natungdan nga priority category. Isa man sa ginalantaw ang kakulang sang vaccination centers ilabi na sa dalagko nga mga siudad.
Pero, kun ipaanggid sa utlization rate sa iban nga probinsya sa western visayas suno sa PHO, indi man mag layo ang Negros Occidental ilabi na kun ipaanggid ini sa probinsya sang Iloilo.
Sa SWS survey nga ginpatigayon sang April 28 tubtob May 1, tatlo sa napulo ka Pinoy ang desidido magbapakuna. Ang resulta sang survey ang ginrelease sadtong Mayo 20. 33 percent naman ang indi luyag magpabakuna kag 35 percent ang indi pa maka pat-od.
Suno kay Governor Eugenio Jose Lacson sa pagsapol kaina ginsiling na sang Department of Health nga kun wala na sang luyag mag pa bakuna sa idalom sang isa ka priority category sarang na mag proceed ukon mag derecho sa madason nga category.
Ang utilization rate sang isa ka LGU amo ang naga pat-od sang masunod nga batch sang bakuna nga pagabatunon. Suno kay Lacson ginsiling sa amo nga pagsapol unahon ang mga lugar sa NCR plus sa supply sang bakuna, pero magapabilin naman ang Region 6 sa mga lugar nga priority man.