Dakup ang isa ka high value individual nga si Elmer Abela Jr alyas JR kag duha ka menor de edad matapos makuhaan sang ginasuspetsuhan shabu kag pusil sa ginpatigayon nga buy-bust operation sa Sitio Dacutan Dacu, Brgy. Mambulac, siudad sang Silay kaina sang aga.
May duha siya ka mga menor de edad nga kaupdanan.
Sa report sang Silay City Police Station, nakuha sa mga suspetsado ang 20 ka pakete sang ginasuspetsuhan shabu nga ginabulubanta nagabug-at sang 170 gramos kag nagabalor sang P1,156,000.
Magluwas sa suspected shabu, nakuha man ang isa ka improvised tooter, isa ka handmade shotgun, isa ka caliber .38 revolver, isa ka botilya nga naga-unod sang ANFO ukon Ammonium Nitrate Fuel Oil), kag iban pa nga non-drug items.
Yara sa kustodiya sang Silay PNP si Abela nga magapang-atubang sa kaso nga paglapas sa Section 21 sang Republic Act 9165 ukon Comprehensive Dangerous Drugs Act of 2002.
Samtang, nakatalana naman nga iga-turnover ang duha ka menor de edad sa Silay City Youth Center.