Kaso nga murder ang ginpasaka sa tiyo nga nagpatay sa iya hinablos paagi sa pagbuno sa Sitio Calangcang, Barangay 4 sa Sipalay City, mga la-una sang hapon sang Lunes, Agosto 3.
Nagwa sa imbestigasyon nga nagapungko sa pumpboat kag nagapanyaga ang biktima nga si alyas “Marijoe”, 44-anyos upod ang tatlo ka mga persona sang gulpi lang ini ginbuno sa tiyan sang suspek nga si alyas “Roger”, 52-anyos.
Nakadalagan ang biktima apang ginla-ot pa gid siya sang suspek kag ginbuno sang makaduha ka beses sa likod kag tiyan, rason sang iya kamatayon.
Ginalantaw sang kapulisan ang daan nga hiligut-anon bilang motibo sa insidente.
Nadakpan ang suspek kag siya karon ang detained sa custodial facility sang Sipalay PNP.
[sibwp_form id=1]