Digicast Negros

Malapit tunga sa milyon ka pesos nga balor sang iligal nga droga nakuha sa separado nga mga buybust operations sa Bacolod

BCPO photo

Sang Lunes, P123,500 nga balor sang iligal nga droga ang nakuha sang Police Regional Office sa buybust operation sa Purok Kagaycay sa Barangay 2 sa Bacolod. Subject sang buybust amo ang high value target nga si Romulo Hamantoc. Nakapalagyo si Hamantoc pero ang iya upod nga si Arielle Descutido nga isa ka street level target ang na aresto sang kapulisan.

Sang Martes may tatlo naman ka separado nga buybust operation ang Police Station 2, 6 kag 7. Naaresto sang kapulisan sang Police Station 2 ang street level target nga si Dhece Rose Duadores. Siya ang naaresto sa Purok Sigay, Barangay 2 kag nakuha sa iya ang P74,800 nga balor sang suspected shabu.

Ginpatigayon naman sang Police Station 2 ang buybust operation batuk sanday Arturo kag Larry Villacuatro sa Purok Kawayan, Barangay 28 kun sa diin P36,000 nga balor sang iligal nga droga ang nakuha sa ila.

Sa Bangga Celita sa Barangay Alijis naman naaresto sang Police Station 7 si Michael Libre nga nakuhaan sang P40,800 nga balor sang ginapatihan shabu.

Samtang kahapon, gin aresto sa atubang sang isa ka pension house sa Barangay 12 sanday Ian Dionson nga isa isa ka high value individual kag Lyn Mari Co sa buybust operation sang Police Station 1. P93,280 naman nga balor sang iligal nga droga ang nakuha sa ila.

Gindakop man kahapon ang tatlo ka mga persona sa buybust operation sang Police Station 5 sa Purok Mainabyanon sa Barangay Singcang Airport. Gin aresyo amo sanday Ronnie Cordero, Raymund Viajedor kag Glendon Villarin nga nakuhaan sang P87,000 nga balor sang gina patihan shabu.

Detained na tanan ang mga gindakop kag kaso nga pagsupak sa RA 9165 ang ila paga atubangon.

Exit mobile version
Skip to toolbar