Malapit sa P60M ang inugpanagtag nga bonus kag benepisyo sa mga empleyado sang Bacolod

Malapit sa ₱60 million ang igahatag sang Bacolod City Government bilang service recognition incentive ukon SRI kag iban pa nga benepisyo sa mga empleyado sini, suno kay Mayor Greg Gasataya.

Ginpahayag sang alkalde nga ini ang gin aprubahan na sang Sangguniang Panlungsod. Ginpahayag ni Gasataya nga ang mga regular employees ang makabaton sang ₱20,000 nga SRI.

Iya man ginsiling, nga ang mga regular employees ang makabaton man sang ₱30,000 nga collective negotiation agreement incentive ukon CNA bonus kag performance-based bonus ukon PBB.

Ang PBB nga mabaton sang mga empleyado ang kaangay sang 65 porsyento sang ila bulanan nga sweldo. Suno sa alkalde, naga lab-ot ini sa ₱8,000 tubtob ₱76,000, depende sa sweldo sang empleyado.

Na-release naman damlag pa ang ₱5,000 nga cash gift kag 14th month pay sang mga empleyado sang siudad. Samtang ang mga job order ukon JO workers ang makabaton sang ₱7,000 nga gratuity pay.*

[sibwp_form id=1]