Masobra 2,500 na tanan karon ka mga pulis ang naka deploy sa siyudad sang Bacolod para sa Masskara Festival ilabi na nga yara nga highlights na sang selebrasyon.
863 ka mga pulis gikan sa Guimaras, Iloilo province kag Negros Occidental ang ginpadala sang Police Regional Office 6 bilang dugang sa karon 1,669 na ka mga pulis nga gin deploy para sa Masskara.
Sila ang maga bulig sa pag pabilin sa kalinong ilabi na gina paabot ang pag dagsa pa sang tawo sa highlights sang masskara kun sa diin matabo ang street kag arena dance competition kag ang pag butang man sang panibag-o nga venue sa dalan Lacson.
Mangin kabahin man sila sa additional security sa natalana nga pag bisita sang presidente kag bise presidente sa Dominggo.