Patay na sang masapwan kahapon sang anak ang iya sini amay kag iloy, pati na ang iya utod nga babaye sa gwa sang ila nga balay sa Barangay Najandig sa Zamboanguita, Negros Oriental.
Ang mga napatay nga lunsay mga mangunguma ang ginkilala nga sanday Pedro Catalonia, 70 anyos, misis nga si Servana, 65 anyos kag 43 anyos nga anak nga si Marites.
Sa imbestigasyon sang PNP, ang tatlo ang nasapwan nga naga higda sa duta sa gwa sang ila nga balay kag madamo sang mga pilas.
Nakuha man suno sa pulis ang mga pagkabutang sang pamilya kag cash nga 20,000 pesos.
Mahimo ginpanglampusan sang matig-a nga bagay ang tatlo suno sa pulis antes ini gin pangkawatan.
Naga padayon pa ang imbestigasyon sang PNP.