Digicast Negros

Mag abyan patay matapos magtabog sa ila ginadala nga motorsiklo

BCPO photo

Dead on the spot ang mag abyan nga Remy Bertolano kag Julius Urbano sang sila ang mag labog sa ila gina dala nga motor sang sila ang mag agi sa gina tapos pa nga economic highway sa Barangay Cabug sa Bacolod.

Suno kay Police Major Ritchie Gohee, pamuno sang Police Station 9, gikan sa Pta. Taytay ang mag abyan kag mapauli na kun tani sa Barangay Handumanan kun sa diin sila naga istar. Sila ang nag hagaray nga mag agi sa economic highway bangud sa mas madasig kuno sila nga maka abot sa ila puluy-an.

Ugaling suno ay Gohee, mahimo indi sonado sang duha ang alagyan bangud sa madasig katama ang ila pag padalagan suno sa mga residente bisan pa nga wala pa matapos ang pagsemento sa dalan.

Pag lab-ot sa bahin sang dalan suno kay Gohee nga batuhon bangud sa wala pa nasemento, mahimo suno sa iya nag labog ang duha sang sila ang nag preno.

Wala sang helmet suno kay Gohee si Urbano kag half face naman ang helmet ni Bertolano.

Patay ang duha bangud sang impact sang ila nga pag labog kag pag lampos sa dalan.

Exit mobile version
Skip to toolbar