Gindakop sang katapo sang Police Station 7 ang mag-abyan matapos makuhaan sang liquid marijuana kag Kush, isa ka high grade marijuana, sa ginpatigayon nga buy-bust sa Purok Busay, Barangay Vista Alegre sa Bacolod City, Lunes sang gab-i.
Ginsiling ni Captain Jay-R Reyes, hepe sang Station 7, ang ila subject amo si alyas “Toto”, isa ka assistant cook sa restaurant.
Nakuha kay alyas “Toto” ang lima ka pakete sang kush high grade marijuana nga nagabalor sang P32,500.
Ang abyan ni “Toto” nga si “Jiyo” ang nakuhaan naman sang 2mL nga liquid marijuana nga nakabutang sa canister nga possible ginagamit sa vape .
Ginabulubanta P10,000 ang balor sang liquid marijuana nga nakumpiskar kay “Jiyo”.
Naga-angkasanay ang duha sa motor sang sila ang nagpadulong sa madulom nga bahin sang Purok Busay kun diin natabo ang transaksyon.*
[sibwp_form id=1]