Kaina ginpapanaugan sang show cause order ang operator sang modernized jeepney sa Alijis route nga nag-viral sa social media ang video nga naga pakita nga overloaded sang pasahero, lakip na diri ang kabataan nga naga tindog na sa sulod sang salakyan.
Suno kay Bacolod City Mayor Greg Gasataya, nga ginpapanaugan gilayon sang show cause order ang operator sang jeepney kaina sang aga.
Ini ang ginpangunahan sang Land Transportation Office – Negros Island Region upod ang Bacolod Traffic and Transportation Management Department.
Nakalab-ot sa atensyon sang lokal nga panguluhan sang Bacolod ini.
Ginpatuhoy sa mga opisyal ang reklamo sa drayber nga naglalis pa sa kapasidad nga sarang makarga sa ginabiyahe nga modern jeepney.
Sa statement sang LTO-NIR ginsiling sang ahensya nga naka rehistro ang amo nga salakyan sa MBMJ and Uy Transport Services Inc. nga sa karon napaidalom na sa administrative inquiry para sa potensyal nga bayolasyon sang Republic Act 4136 lakip na ang over capacity, reckless driving, discourteous conduct kag non-compliance sa franchise conditions.
Gintagaan sila sang LTO sang lima ka adlaw para maghatag sang written explanation.*
[sibwp_form id=1]