Ginpahayag ni Police Major Joery Puerto nga sila ang naga tutok subong sa anggulo nga love triangle angut sa pagpatay sang kahapon sa 23 anyos nga si Angelica Montalvo sa bahin sang Oroland sa Circumferential road.
Si Montalvo upod sang iya live in partner kag mga himata ang gin holdup kahapon sa sulod sang salakyan sang wala pa makilal-an nga lalaki kag gin pa drive ang iya partner humalin sa Medical Plaza padulong sa Barangay Cabug kun sa diin gin tiro si Montalvo sa bahin sang Oroland.
Suno kay Puerto, mahimo front lang ang robbery kag ang tuyo gid sang suspek amo nga patyon si Montalvo.
Kay man suno sa pulis, wala man sang resistance sa bahins ang kga biktima kag kun robbery gid man, wala na naglawig pa sa salakyan ang suspek kag wala niya na gintiro pa ang biktima.
Damlag pa ginpahayag ni Puerto nga ang livein partner ni Montalvo ang may asawa man kag mga anak gani ang love triangle ang ila sa karon gina tan-aw nga anggulo.
May na recover na suno kay Puerto ang Police Station 4 nga CCTV sa Medical Plaza kun sa diin nag halin ang mga biktima kag ila hibaluon kun bala nakita diri ang pagsulod sang suspek sa salakyan.
Ginpaidalom naman sa autopsy ang bangkay ni Montalvo.
“Ang robbery daw front lang kay kun robbery ang tuyo didto pa lang sa medical plaza pagkuha sang mga belongings kag kwarta nanaog na to ang suspek ta. kun ngaa nga ginpa drive pa niya pakadto didto sa layo nga lugar didto sa may oroland pakadto cabug, so may mga agenda o ano may pa siya may motibo pa siya nga tiruhon gid ang babayi,” suno kay Puerto.