Padayon ang pagduso ni Third District Representative Javier Miguel Benitez sa House Bill 9088 ukon TUBO Act nga tuyo maproteksyonan ang mga sugarcane farmers batuk sa posible nga pagnubo sang millgate price sang kalamay.
Suno kay Benitez, wala pa sang pat-od nga floor price nga nakasaad sa bill nga iya ginaduso bangud ginakuha pa nila ang sentimyento sang mga mangunguma sa probinsya.
Suno kay Benitez dako ang epekto sang pagtaas sang presyo sang gatong sa mga sugarcane farmers. Dugang niya, ang 2,500 nga presyo sang kalamay ang madugay na nga wala nagagiho.
Ang ipatuman nga floor price ang nagadepende pa sa pagpang-usisa sang iya komitiba, apang suno sa iya dapat indi ini makapierde sa mga mangunguma.
Pasado naman sa first reading ang ginaduso nga laye. Para kay Benitez, isa ini ka long term solution, apang yara naman sa kamot sang SRA kag DA ang short term nga solusyon.
Biyernes ginhiwat sa Victorias City ang ikalima nga nga LegisHear "Bawat Batas Mahalaga" isa ka inisyatibo sang House of Representatives agud mapamatian ang mga sentemenyento sang mga sektor.
May 28 ka mga congressman ang nagtambong nga ginpangunahan ni House Speaker Bojie Dy. Suno sa iya, ang LegisHear sa Victorias ang may pinakamadamo nga attendees.
Nagpabutyag man sang suporta ang mga Congressman sa laye nga ginaduso agud ma protectahan ang mga mangunguma sa Negros Occidental.
[sibwp_form id=1]