Base sa resulta sang post-mortem examination, hemorrhagic shock secondary to stab wounds ukon nahubsan sang dugo bangud sang mga buno sa lawas ang gintunaan sang kamatayon sang lapsag nga ginsulod sa sako kag ginhal-id sa Barangay General Luna sa banwa sang Toboso, Negros Occidental.
Ginsiling ni Police Capt. Judesses Catalogo, public information officer sang Negros Occidental Police Provincial Office, na-locate na ang menor de edad nga iloy sang bata kag karon yara na sa custody sang Toboso Municipal Social Welfare and Development Office.
Sang Setyembre 3, nasapwan ang lapsag nga nakaputos sa tela kag ginsulod sa sako. May mga buno ang bata sa iya likod.
Kaso nga infanticide ang posible paga-atubangon sang iloy, suno kay Catalogo.
“Naka-indicate sa post-mortem report ang cause of death is hemorrhagic shock secondary to stab wounds. Ang mga stab wounds ara sa likod.. Indi lang anay ma pre-empt regarding sa reason because part na siya sang discernment certification nga gina-obtain pa naton subong. Bale wala lang sang rason kay ti ang ina nga statement mahalin na sa POI.. Mapasaka gid kaso nga infanticide regarding sini nga insidente.. Indi kasado ang iloy, may boyfriend siya”, suno kay Catalogo.
[sibwp_form id=1]