Lapnagon nga brownout nagluntad sa Southern Negros kag Bacolod tuga sang pag trip off sang 69KV line sa banwa sang San Enrique. May mga opisina sa Bacolod nga temporaryo nga wala anay maka-operate tuga sang lapnagon nga brownout nga nagsugod mga pasado la una kaina sang aga.
Apektado sang unscheduled power.interruption ang Bago City, banwa sang San Enrique, Valladolid, Pontevedra kag La Carlota City.
Sandig sa advisory sang National Grid Corporation of the Philippines, nag trip off ang San Enrique – Bacolod 69 KV line rason sang inoras nga brownout.
Mga pasado las nuebe na sang aga sang nabalik ang supply sang kuryente sa mga apektado nga lugar sakop sang franchise area sang Central Negros Electric Cooperative kag Negros Occidental Electric Cooperative.
Gina usisa pa sang NGCP ang ginhalinan sang pag trip off sang 69KV line.