Naglunsar ang Land Bank sang LIFTING MSMEs Lending Program sa Negros Occidental sa ginpatigayon nga Padayon MSME Fair sa Ayala Malls Capitol Central, Bacolod City, sini nga Biyernes, Pebrero 20.
Suno kay Eden Japitana, Land Bank First Vice President, tinutuyo sang LIFTING MSMEs ukon ang Land Bank’s Innovative Financing Thrust Towards Inclusive National Growth thru Micro, Small, and Medium Enterprises Lending Program nga mas mangin acessible ang pag pautang para para sa working capital, pagbakal sang kagamitan, kag pagpauswag sang negosyo.
Pahayag pa ni Japitana nga ginlunsar ini sang Land Bank para sa mga magagmay nga mga negosyo kon sa diin may yara sang manubo nga interest rate nga 8-10%.
Suno kay Japitana ini ang pinakamanubo nga interest rate sa market.
Mahimo nga makahulam ang mga nga start-up sa ila nga negosyo ukon yadtong naga sugod pa lamang sang tubtob sa P500,000, kag ang sa mga nag-level up na, ang sarang naman makahulam sang P500,000 tubtob P5 million pasaka.
Samtang, mahimo nga maka-apply online pinaagi sa pagbisita sa website sang Land Bank.
Sunod naman nga iga lunsar ang programa sa Mindanao kag Luzon area.*
[sibwp_form id=1]