Patay ang 36-anyos nga lalaki matapos nalab-an kag nabun-an sang iya manghod sa Sitio Palaypay, Barangay Quintin Remo sa banwa sang Moises Padilla sadtong Domingo sang gab-i, Setyembre 13.
Nakaangkon sang mga pilas sa iya lawas ang biktima nga si alyas “John”, kabangdanan sang iya kamatayon. Gin-alegar mentally unstable ang biktima.
Nagwa sa imbestigasyon nga bag-o lang gid nakatapos panyapon si alyas “John” kag ang iya amay sa sulod sang ila balay, sang gulpi lang gintapungol kag ginsipa sang biktima ang iya tatay.
Nagtambang ang manghod nga si alyas “David”, 26-anyos apang siya ang gin-atake man sang biktima, rason nga nagbato ini.
Ginlabo kag ginbuno ni alyas “David” si alyas “John” gamit ang binangon.
[sibwp_form id=1]