Ginbawian sang kabuhi ang 33-anyos nga lalaki matapos ginsungay sang iya ginasagod nga karabaw sa Hacienda Conchita 3, Barangay Paraiso sa Sagay sang Martes sang hapon.
Nakaangkon ang biktima sang mga pilas kag bali ang iya kamot.
Base sa impormasyon sang PNP, nagpatubog sang karabaw ang biktima kag sang yara na sa katubuhan, gulpi lang nagwaras ang sapat kag nagpanungay.
Suno sa nakakita, nagpondo kag nagpaharab pa sang karabaw sang biktima antes siya nga gin-atake sang karabaw.
Nakadalagan pa ang biktima kag nakapangayo sang bulig sa mga naga-obra sa kampo.
Bangud sang naangkon nga mga pilas, nagtaliwan ang biktima.
Ginapanag-iyahan sang biktima ang nasambit nga karabaw.
Nagaplano karon ang pamilya sang biktima nga ibaligya ang nasambit nga karabaw.