Patay ang isa ka 37 anyos sang wala ini maka gwa sa iya nasunog nga balay kaina sang kaagahon sa Barangay Malingin sa Bago City.
Sa initial invesigastion sang Bago BFP, nakita pa sang iya nga himata ang biktima nga naga tindog sa sulod sang balay samtang naga kasunog na ini pasado las dos sang kaagahon.
Gina singgitan pa sang iya mga himata ang biktima nga magwa kag sarang pa man ini kun tani maka gwa suno sa BFP ugaling wala ini mag gwa tubtob na lang nga natumba kag nasunog ang iya lawas.
Dugang pa sang BFP, ang mga himata sang biktima ang siling nga may problema ini sa paminsaron kag naga isahanon lang man siya nga naga tinir sa balay kay man yara sa Misamis Oriental ang iya misis kag anak.
Ginahibalo pa sang BFP kun ano ang gin halinan sang sunog.