Site icon Digicast Negros

Lalaki nga nangawat sang halad nga kwarta sa simbahan nadakpan

Nag-gamit sang lipak nga may adhesive sa punta ang 49-anyos nga lalaki agod makuot kag makuha ang kwarta nga papel kag mga coins gikan sa box nga ginasudlan sang mga halad para kay Santo Niño sa sulod sang cathedral sa Dumaguete City.

Samtang ginabunit sang lalaki ang kwarta sa sulod sang box, siya ang nakit-an sang isa ka security guard.

Nagtinguha nga malagyo ang lalaki. Siya ang ginlagas kag nadakpan sang duha ka mga gwardiya sang simbahan.

Ginkilala ang suspek kay alyas “Bobby”, taga Dauin sa Negros Oriental apang temporaryo nga naga-tiner sa Barangay Taclobo, Dumaguete.

[sibwp_form id=1]
Exit mobile version