Nagabubo ang ulan sang gintiro sang motorcycle-riding suspek ang 37-anyos nga lalaki sa Purok Mabinuligon, Bangga Aning sakop sang Barangay Pahanocoy sa Bacolod City, mga las 12:10 Biyernes sang kaagahon.
Nakasuksok sang green nga raincoat kag helmet ang suspek sakay sang Yamaha NMAX nga motor sang iya gintiro sang apat ka beses ang biktima nga ginkilala kay alyas “Boy-Boy”.
Nagwa sa imbestigasyon nga nagwa sa ila balay ang biktima para magpa-cash out sa iya online wallet sa isa ka convenience store. Matapos ang iya transaction, na gwa ini apang tungod naga-ulan, nagpasilong siya anay sa gwa sang balaligyaan.
Samtang nagagamit sang cellphone ang biktima, naglabay ang suspek. Matapos ang pila ka minutos, liwat nga nagbalik ang suspek kag gintiro ang biktima sa ulo kag liog.
Na-recover sang Scene of the Crime Operatives sa lugar sang insidente ang apat ka empty shells sang caliber .45 pistol, kag mga pagkabutang sang biktima.
[sibwp_form id=1]