Patay ang isa ka lalaki matapos malapakan sang isa ka van saSitio Caticlan, Barangay Rizal, siudad sang San Carlos,Miyerkules sang hapon.
Ang napatay ang ginkilala kay Jesse Auditor, 26 anyos kag residente sang Sitio Binone, Barangay Nataban, sa amo man nga siudad. Suno kay Police Lt. Col. Jesus Mesahon, Jr., hepe sang San Carlos City PNP, naga-angkas samotorsiklo nga ginamaneho sang iya manghod nga si Alex, ang napatay.
Suno sa pulis nagasunod sa isa ka van ang motorsiklonga ginasakyan sang mag-utod antes natabo ang insidente.
Na alang-alang ang motor sang nag-overtake ini sa van bangud sang sugata nga auto rason kun ngaa nagbalik siya sa iya nga lane.
Bangud nga madasig ang pagpadalagan sang mga salakyan, nag-igo ang motorsiklo sa pangulihi sang van kag nahulog si Jesse samotorsiklo kag nalapakan.
Sa imbestigasyon sang Traffic Section sang San Carlos City, nahibaluan nga wala sang salabton ang van rason kun ngaagilayon nga ginhilway ang driver.
Samtang, ginhilway naman ang iya utod matapos ang reglementary period.