Papauli na ang duha ka mga menor de edad nga lalaki sang sila ang ginsundan sang suspek kag ginpangbuno sa Purok 4, Barangay Guiljungan sa banwa sang Cauayan sang Domingo.
Napatay ang isa ka minor nga naga-edad 14-anyos matapos makaangkon sang buno sa iya tangkugo, samtang nagapa-ayo pa karon sa ospital ang 15-anyos nga may buno sa iya likod.
Matapos ang insidente, nagpauli sa ila balay ang suspek nga si alyas “Jomar”, 21-anyos.
Ang suspek, nadakpan sa hot-pursuit operation kag positibo nga ginkilala sang mga saksi kag sang buhi nga biktima.
Ginsiling ni Police Lt. Col. Norberto Barniso, hepe sang Cauayan Municipal Police Station, nagapangatubang sang kaso nga murder kag frustrated murder ang suspek.
Gikan sa liga ang mga biktima kag antes magpuli, sila ang naghampang makadali sang basketball.*
[sibwp_form id=1]