Patay na sang masapwan sang mga residente ang 54 nga si Salvador Barredo kaina sang aga sa Mandalagan River sa Purok Bolinao sa Brgy 1 sa Bacolod.
Sa imbestigasyon sang Police Station 2, las dose sang kaagahun ulihi nga nakita si Barredo kag tuman na ini ka hubog samtang naga pangalakaton sa bato nga pader sa kilid sang suba.
Suno sa pulis, mahimo nahulog si Barredo samtang nagapanglakaton kag nalumos sa suba.
Dugang pa sang pulis, sadto anay nahulog man sa suba si Barredo pero na may nagsalbar sa iya.
Patay na sya sang masapwan sang mga residente kaina.